Asialuxe Travel хорижлик сайёҳлар учун мутлақо Янги Ўзбекистонни кашф қилмоқда

Asialuxe Travel миллий туроператори Ўзбекистон аҳолиси ва меҳмонларини Мустақилликнинг 30 йиллиги билан табриклайди ва сайёҳларни қабул қилиш бўйича ўз йўналишлари тўлиқ қайта ишга туширилгани ҳақида хабар беради.

Аввало, ўтган йиллар давомида нималар қилингани ҳақида эслаб ўтсак. Охирги вақтда Ўзбекистонда туризм соҳасида тубдан ўзгаришлар содир бўлганини қайд этиб ўтмасак бўлмайди. Хусусан, охирги беш йилда мамлакатимизга кириш жараёни сезиларли даражада соддалаштирилди. Эндиликда қатор давлатлардан бўлган сайёҳлар Ўзбекистонга виза расмийлаштирмасдан киришлари мумкин, Тошкентдаги халқаро аэропортдан чиқиш вақти бир неча баробар қисқартирилди, инфратузилма эса кун сайин ривожланиб бормоқда. Ушбу ижобий ўзгаришларнинг барчаси Ўзбекистонга хорижлик сайёҳларни жалб қилишга имкон берди.

Бундан ташқари, зиёрат туризмига катта эътибор қаратилмоқда. Эслатиб ўтамиз, жорий йилнинг февраль ойида «Uzbekistan Airways» АЖ, Туризм ва спорт вазирлиги ҳамда Транспорт вазирлиги кўмагида Asialuxe Travel миллий туроператори ўзининг миллионлаб аудиториясига йўналишимизнинг жозибасини намойиш қилган Туркиянинг асосий инфлюенсерлари иштирокида блог-турга ташаббус кўрсатди. Шунингдек, компания Uzbekistan Airways, Turkish Airlines ва қизиқувчи идоралар иштирокида хорижлик сайёҳларни мамлакатимизга жалб қилиш бўйича фаол шуғулланиб келмоқда. Буларнинг барчаси ривожланишга ҳамда имижни ошириш ва Ўзбекистон ҳудудида юқори даражали хизматларни кўрсатиш учун мамлакатимизга жуда зарур бўлган хусусий DMC'ни яратишга имкон берди.

DMC ёки оддий қилиб айтганда қабул бўйича туроператор – бу Ўзбекистонда сайёҳларни қабул қилишга ихтисослаштирилган, айнан бизнес-сафарларни ўз ичига оладиган туристик тўпламларнинг тўлиқ даврини ташкиллаштириш билан шуғулланадиган компаниядир.

Asialuxe Travel'дан бўлган DMC'нинг ажойиб ўзига хослиги – бу бир вақтда юзага келадиган барча жараёнларнинг тўлиқ автоматлаштирилганидир. Сайёҳ ҳозирнинг ўзида дунёнинг исталган нуқтасидан туриб компания сайтида керакли меҳмонхонани танлаши ва банд қилиши ҳамда экскурсия ёки трансферга буюртма бериши мумкин. Бундан ташқари, компания имкониятлари ҳар бир сўровга индивидуал ёндашишга ва бутун сафар давомида ҳар бир сайёҳни тўлиқ кузатиб боришни ташкиллаштиришга имкон беради. Шу тариқа, сайёҳ бутун тур давомида ўзини максимал даражада қулай ҳис қилади.

Шунингдек, ҳозирги вақтнинг ҳолатларини ҳисобга олган ҳолда, Asialuxe Travel'дан бўлган DMC'нинг йўналишларидан бири – бу COVID-19 профилактикаси бўйича барча тавсияларга амал қилиш орқали хавфсиз туризмни (Safe Tourism) оммалаштиришдир. Қулай автомобилларда амалга ошириладиган трансферлар вақтидаёқ ҳар бир сайёҳга сув, шунингдек, алоҳида ўрамда индивидуал ҳимоя воситалари таклиф қилинади. Сайёҳлар чипта харид қилиш, яшаш учун тўловларни амалга ошириш ва бошқа вазиятлар ҳақида қайғурмаса ҳам бўлади. Энг кичик деталларгача бўлган мутлақо барча ҳолатлар тақдим этилган бюджет қандай бўлса ҳам ҳар бир туристик тўпламда инобатга олинган.

Шу тариқа, Ўзбекистон мустақиллигининг 30 йиллиги шарафига Asialuxe Travel миллий туроператори мамлакатимизнинг туристик салоҳиятини оммалаштириш учун видеолавҳалар сериясини тайёрлади. Лавҳа ҳам Ўзбекистонда, ҳам унинг ташқарисида фаол намойиш қилинади. Улкан жамоанинг меҳнати натижаларининг бири билан мақола бошида танишиш мумкин.

Asialuxe Travel миллий туроператори ҳамкорлик учун очиқ ва ушбу йўналишда бутун дунёдан бўлган агентлар билан ишлашга тайёр.