Қаршида «Lacetti» йўлни кесиб ўтаётган фуқарони уриб юборди. Пиёда вафот этган
Ижтимоий тармоқларда Қарши шаҳрида "Lacetti" русумли автомобиль ҳайдовчиси пиёдани уриб юборгани бўйича видео тарқалди. Ички ишлар вазирлиги Йўл ҳаракати хавфсизлиги бош бошқармаси ҳолат бўйича маълумот берди.
Қайд этилишича, жорий йилнинг 18 сентябрь куни соат 12:05ларда, Қашқадарё вилояти, Қарши шаҳар, Ислом Каримов кўчасида жойлашган "Гулчеҳра" гўзаллик салони рўпарасида ҳайдовчи Ж.Ш. "Lacetti" русумли автомобилда ҳаракатланаётиб, пиёдалар ўтиш жойидан йўлни кесиб ўтаётган фуқаро Ш.Х.ни уриб юборган.
Натижада, пиёда Ш.Х. оғир тан жароҳатлари билан шифохонада вафот этган.
Мазкур ЙТҲ юзасидан Қарши шаҳар ИИО ФМБ ҳузуридаги ТБ томонидан Жиноят кодексининг 266-моддаси 2-қисми тартибида жиноят иши қўзғатилиб, тергов ҳаракатлари олиб борилмоқда.
“Барча ҳайдовчилардан тезлик меъёрига, қоидаларга амал қилиб, пиёдаларга эътиборли бўлишларини сўраймиз”, дейилади маълумотда.
Мавзуга оид
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024
АҚШда 38 яшар ўзбекистонлик тракчи ЙТҲ туфайли вафот этди
13:07 / 27.07.2024
Қамчиқ довонида 3 та юк автомобили ва Mercedes-Benz Sprinter иштирокида ЙТҲ юз берди
07:35 / 27.07.2024