АҚШ давлат котибининг ўринбосари Ўзбекистонга ташриф буюради

Маълум қилинишича, давлат котиби ўринбосари Венди Шерман 29 сентябрь куни Швейцариянинг Женева шаҳрига бориб, АҚШ идоралараро делегациясига раҳбарлик қилади. У ерда АҚШ ва Россия ўртасидаги стратегик барқарорлик бўйича икки томонлама мулоқотда иштирок этади.

Шундан сўнг у Ўзбекистонга келади ва 4 октябрь куни юқори лавозимли амалдорлар ва фуқаролик жамияти вакиллари билан учрашув ўтказади. 

Шерман 6 октябрь куни Ҳиндистоннинг Ню-Деҳли шаҳрига бориб, бир қатор икки томонлама учрашувларда иштирок этади, фуқаролик жамияти тадбирларида хусусан, Ҳиндистон ғоялари саммитида қатнашади. 7 октябрь куни эса у Мумбайга боради ва у ерда бизнес ва фуқаролик жамияти вакиллари билан очиқ суҳбат ташкил қилади. Охирги ташриф 7-8 октябрь кунлари Покистоннинг Исломобод шаҳрига бўлади ва юқори мартабали расмийлар билан учрашувлар ўтказилади.