Қўшимча функционаллар
-
Тунги кўриниш
Ҳиндистондаги клиникалар «Спутник V» вакцинасига буюртмаларини бекор қила бошлади
Қайд этилишича, давлат тақдим этаётган бепул вакциналар сабабли пулли вакциналарга бўлган талаб кескин пасайган.
Ҳиндистондаги хусусий клиникалар Россиянинг «Спутник V» вакцинасини олиш учун буюртмаларини бекор қила бошлади, деб хабар берди Reuters.
Қайд этилишича, давлат тақдим этаётган бепул вакциналар сабабли пулли вакциналарга бўлган талаб кескин пасайган.
«Сақлаш ва бошқа қийинчиликлар туфайли 2500 дозага берган буюртмамизни бекор қилдик. Талаб ҳам юқори эмас», — деди Пуна шаҳридаги Bharati Vidyapeeth шифохонаси ходими Житендра Освал.
Reuters манбасининг маълумот беришича, Ҳайдаробод шаҳридаги Avis Hospitals клиникалар тармоғи 10 минг доза «Спутник V» вакцинасига берган буюртмасини бекор қилган.
2021 йил июндан бери мамлакатда 943 минг доза «Спутник V» вакцинасидан фойдаланилган, дея қайд этади.
Сўнгги маълумотларга кўра, Ҳиндистонда 876 млн доза вакцина қўлланилган.
«Спутник V» талаб пасайган ягона вакцина эмас, деб ёзади Reuters. Хабарда айтилишича, Пунадаги клиника AstraZeneca вакцинасига ҳам бошқа буюртма бермайди, Освалнинг сўзларига кўра, кунлик эмлашлар сони июндагига нисбатан 90 фоизга камайган.
