НАТО Қора денгиз минтақасига зудлик билан қўшин ташлаш имкониятини ўрганмоқда
Йенс Столтенбергнинг сўзларига кўра, альянс мудофаа вазирлари НАТО ҳудудини мудофаа қилиш режасини тасдиқлаган.
Шимолий Атлантика альянси зарурат туғилганида Қора денгиз минтақасига зудлик билан қўшин ташлаш имкониятини ўрганмоқда. Бу ҳақда НАТО бош котиби Йенс Столтенберг маълум қилди.
“Биз Россиянинг тажовузкорона ҳаракатларига жавобан Қора денгиз минтақасида денгиз, ҳаво ва қуруқликдаги кучларимизни оширдик. Шунингдек, зарурат туғилганида минтақага зудлик билан мустаҳкамловчи кучларни ташлаш имконияти ўрганмоқдамиз”, – деди у.
Столтенбергнинг сўзларига кўра, альянс мудофаа вазирлари НАТО ҳудудини мудофаа қилиш режасини тасдиқлаган.
Аввалроқ НАТО давлатларининг ядро қуроли ёрдамида ҳимоялаш бўйича анъанавий Steadfast Noon машғулотлари бошлангани хабар қилинганди. Машғулотлар ядро қуролини ташувчи ва қўлловчи қирувчи, оддий жанговар, разведкачи ва ёнилғи қуювчи ўнлаб самолётлар иштирокида ўтади.
Мавзуга оид
21:13 / 11.10.2024
НАТОнинг янги бош котиби иттифоқчиларни Путиннинг ядровий таҳдидларига эътибор қаратмасликка чақирди
19:38 / 11.10.2024
Зеленский Европа пойтахтларини айланди. У иттифоқчилардан нима талаб қилди? Ва у нимага эришиши мумкин?
10:10 / 11.10.2024
НАТО Европада йиллик ядровий машғулотлар бошланишини эълон қилди
22:05 / 05.10.2024