«Йил имоми – 2021» танловининг ғолиблари аниқланди
Бугун, 4 ноябрь куни Ўзбекистон мусулмонлари идораси тасарруфидаги масжидларда фаолият юритаётган имом-хатиблар ўртасида «Йил имоми – 2021» кўрик танловининг республика босқичи ўтказилди. Бу ҳақда Мусулмонлар идораси матбуот хизмати Kun.uz’га хабар берди.
![](https://storage.kun.uz/source/7/jDK8VmW5sCXnApNXthroIDb63xbvntkg.jpg)
Фото: Ўзбекистон мусулмонлари идораси
Қорақалпоғистон Республикаси, вилоятлар ва Тошкент шаҳридаги ҳудудий босқичларда ғолибликни қўлга киритган 14 нафар имом-хатиблар қатнашган мусобақада 1-ўрин Тошкент вилояти Пскент тумани «Собирхон ота» жоме масжиди имом-хатиби Суннатилла домла Эрназаровга насиб қилди.
2-ўринга Жиззах шаҳри «Раваллиқ» жоме масжиди имом-хатиби Бекмуҳаммад домла Алибоев, 3-ўринга Марғилон шаҳри «Худоёр ҳожи» жоме масжиди имом-хатиби Икромжон Турсунов муносиб кўрилди.
Мусобақа туман (шаҳар) босқичи, Қорақалпоғистон Республикаси, вилоятлар ва Тошкент шаҳар босқичи ҳамда республика босқичидан иборат. Республика босқичи 7 турдан иборат бўлиб,унда имомлар 1-турда тафсир, 2-турда ақоид, 3-турда фиқҳ, 4-турда ислом тарихи, 5-турда ҳадис илмлари, 6-турда Мовароуннаҳр алломалари ҳаёти ва ижодига оид саволлар ҳамда 7-турда ижтимоий-маънавий муҳит барқарорлигини таъминлаш борасида амалга оширилган ишлари асосида баҳоланган.
![](https://storage.kun.uz/source/7/Femx3qN8tZ4Lc2wHnmxIZ5jLp03hOrVf.jpg)
Шунингдек, 1-ўрин соҳиби I даражали диплом ва базавий ҳисоблаш миқдорининг 55 баравари миқдорида пул маблағи, 2-ўрин соҳиби диплом ва базавий ҳисоблаш миқдорининг 45 баравари, 3-ўрин соҳиби диплом ва базавий ҳисоблаш миқдорининг 35 баравари миқдорида пул мукофоти билан тақдирланди.
![](https://storage.kun.uz/source/7/K3y6ARFqp0dWETUE4S9mCEGmELyXmc0i.jpg)
Мавзуга оид
![](https://storage.kun.uz/source/thumbnails/_medium/10/b64n5AMW0_r34MpL-aJaWxoE7j--h42X_medium.jpg)
22:23 / 23.04.2024
Муфтий Нуриддин Холиқназаров Ислом олами уюшмаси Олий Кенгашига қабул қилинди
![](https://storage.kun.uz/source/thumbnails/_medium/10/yA7XU3GoeR9EmWijSDC3jaidropL2xk4_medium.jpg)
14:57 / 08.01.2024
Ўзбекистонда умра зиёрати учун нархлар арзонлашди
![](https://storage.kun.uz/source/thumbnails/_medium/9/t4SBSYlZDw6ZVcrZv2U5OrCgkmB3nmp3_medium.jpg)
20:36 / 28.02.2023
Муфтий бир нечта имом-хатибни ишдан олди, айримларига ҳайфсан берилди
![](https://storage.kun.uz/source/thumbnails/_medium/8/UprDnlPMdwY0PBuCXR_nnVhNT8xFExq__medium.jpg)
10:10 / 22.09.2022