Франция Қозоғистонга 8та гол урди, Бельгия ҳам йўлланмани расмийлаштирди

Европа қитъасида жаҳон чемпионати саралаши доирасида 9-тур ўйинлари якунланди.

D гуруҳида Франция (15 очко) Қозоғистон дарвозасига жавобсиз 8та тўп киритиб, 1-ўрин билан мундиал йўлланмасини қўлга киритди. Сўнгги турдаги натижалар орқали Финляндия (11) ёки Украина (9) плей-оффда қатнашиш имкониятига эга бўлади.

Е гуруҳида Бельгия (19) Эстонияни енгиб, турнирнинг финал босқичига йўл олди. Уэльс (14) ёки Чехия (11) 2-ўрин билан плей-оффда қатнашади.

G гуруҳида Нидерландия (22) Черногория билан баҳснинг сўнгги дақиқаларида 2та тўп ўтказиб, ғалабани қўлдан чиқарди ва барча масалани якуний турдаги Норвегияга (20) қарши ўйинга қолдирди. Гуруҳдан чиқишга яна бир даъвогар Туркия (20) Гибралтарга 6та гол урди. Турклар сўнгги турда Чергогория меҳмони бўлишади.

Ҳозирча 2022 йилги мундиалда қатнашиши аниқ бўлган жамоалар сони 6тага етди: Қатар (мезбон), Дания, Германия, Бразилия, Франция, Бельгия.

ЖЧ-2022 саралаши. Европа
9-тур. 13 ноябрь

D гуруҳи
Франция — Қозоғистон 8:0
Голлар: Мбаппе (6, 12, 32, 87), Бензема (55, 59), Рабьо (75), Гризманн (84, пенальти).
Франция – Льорис, Кунде, Л.Эрнандес (Лангле, 80), Упамекано, Т.Эрнандес, Канте (Тчуамени, 72), Рабьо, Коман (Павар, 79), Мбаппе (Бен-Йеддер, 88), Гризманн, Бензема (Диаби, 71). 

Босния ва Герцеговина — Финляндия 1:3
Голлар: Менало (69) — Форсс (29), Лод (51), О'Шонесси (73).
Амалга оширилмаган пенальти: Пукки (25).
Босния ва Герцеговина – Шехич, Ахмедҳожич, Чивич, Саничанин, Колашинац (Демирович, 39), Ҳажиаҳметович (Прцич, 56), Пьянич (Сушич, 66), Стеванович, Цимирот (Гояк, 56), Крунич (Менало, 67), Превляк. 
Финляндия – Градецки, Вяйсянен, Ҳямяляйнен, Иванов (Араюури, 80), О`Шонесси, Шюллер, Луд (Уронен, 76), Камара, Райтала.
Четлатиш: Райтала (37).

Е гуруҳи
Бельгия — Эстония 3:1
Голлар: Бентеке (11), Карраско (53), Т.Азар (74) — Сорга (70).
Бельгия – Куртуа, Вертонген, Денайер, Кастань, Менье (Салемакерс, 63), Карраско (Мертенс, 71), Витцель, де Брюйне (де Кетеларе, 83), Ванакен, Э.Азар (Т.Азар, 63), Бентеке (Ориги, 84). 

Уэльс — Беларусь 5:1
Голлар: Рэмзи (3, 50 пенальти), Н.Уильямс (20), Дэвис (79), Робертс (89) — Концевой (87).
Уэльс – Уорд (Ҳеннесси, 90), Дэвис, Робертс, Родон, Ампаду, Уилсон, Аллен, Жеймс (Робертс, 76), Рэмзи (Моррелл, 71), Бэйл (Жонсон, 46), Н.Уильямс. 

G гуруҳи
Черногория — Нидерландия 2:2
Голлар: Вукотич (82), Вуйнович (86) — Депай (25 пенальти, 54).
Черногория – Шаркич, Савич, Радунович, Вуячич, Томашевич (Раичкович, 80), Осмайич, Вукчевич, Йовович (Вуйнович, 62), Ҳакшабанович (Вукотич, 69), Янкович (Божович, 69), Журжевич (Бечирай, 62). 
Нидерландия – Бейло, Думфрис, Блинд, ван Дейк, де Врей (де Лигт, 90), де Йонг (Гравенберх, 78), Вейналдум (Копмейнерс, 66), Классен, Данжума (Ланг, 78), Мален (Бергвейн, 46), Депай.

Туркия — Гибралтар 6:0
Голлар: Актуркўғли (11), Дервишўғли (38, 41), Демираль (65), Дурсун (81), Мюльдюр (84).
Туркия – Чақир, Эркин (Р.Йилмаз, 46), Челик (Мюльдюр, 46), Демирал, Суюнчи, Кўкчи, Чалхонўғли (Кутлу, 82), Актуркўғли, А.Йилмаз, Дервишўғли (Караман, 69), Б.Йилмаз (Дурсун, 69).

Норвегия — Латвия 0:0
Норвегия – Нюланд, Педерсен, Страннберг, Лоде, Мелинг, Торсбю (Кинг, 46), Эльюнусси, Норманн, Эдегор, Торстведт (Сольбаккен, 82), Сёрлот.