Финландияда ичида Илон Маскнинг манекени бўлган Tesla автомобили портлатилди

Автомобил ишлаб чиқарилганига саккиз йил бўлгани сабабли унга кафолат хизмати кўрсатилмаслиги, аккумуляторни алмаштириш 20 минг еврога тушишини билганидан сўнг Tesla эгаси уни портлатишга қарор қилган.

Фото: Tesla

Финландияда 2013 йилда ишлаб чиқарилган Tesla Model S эгаси аккумулятор алмаштириш нархини билганидан сўнг автомобилини портлатишга қарор қилди, деб ёзади Insideevs.

Хабарда айтилишича, жиҳозлар панелида хатолар пайдо бўлганидан сўнг автомобил эгаси уни сервис марказига топширган. Марказда автомобилни созлаш учун аккумуляторни алмаштириш шартлигини маълум қилишган.

Автомобил ишлаб чиқарилганига саккиз йил бўлгани сабабли унга кафолат хизмати кўрсатилмаслиги, аккумуляторни алмаштириш эса 20 минг еврога тушишини билганидан сўнг Tesla эгаси уни портлатишга қарор қилган.

Хабарда айтилишича, автомобилни портлатиш учун 30 кило динамитдан фойдаланилган ва машина эгаси жараённи видеога олган. Портлатиш вақтида автомобил ичида Tesla бош директори Илон Маскнинг манекени бўлган.