Пойтахтда 1160 та оралиқ бекатлар намунавий дизайн асосида қурилади

Тошкент шаҳрида босқичма-босқич 1160 та оралиқ бекатлар намунавий дизайн асосида қурилиб, фойдаланишга топширилади. Бу Тошкент шаҳар транспорти ва йўл-транспорт инфратузилмасини 2025 йилгача ривожлантириш концепциясини 2022-2025 йилларда амалга ошириш бўйича “Йўл харитаси” лойиҳасида белгиланган.

Фото: Kun.uz

Қайд этилишича, йўловчиларга қулайлик яратиш мақсадида (шаҳар йўловчилар транспорти ҳаракатини, келиб-кетиш вақтини кўрсатувчи электрон табло, бепул
Wi-Fi, кузатув камералари билан жиҳозланган) шаҳар йўловчилар транспорти оралиқ бекатларини намунавий дизайн асосида босқичма-босқич жорий этиш режалаштирилган.

Бунда, шаҳар йўловчилар транспорти оралиқ бекатларини намунавий дизайн асосида қайта ташкил этиш бўйича маҳаллий ижро этувчи ҳокимият органларининг тегишли қарорлари қабул қилинади.

Тошкент шаҳрида босқичма-босқич 1160 та оралиқ бекатлар намунавий дизайн асосида қурилиб, фойдаланишга топширилади: 2022 йил – 280 та; 2023 йил – 260 та; 2024 йил – 300 та; 2025 йил – 320 та.