Xiaomi компанияси янги флагман смартфони Xiaomi 12’ни тақдимотигача намойиш қилди. Бу ҳақда GizmoChina нашри хабар берди.
Фото: OnLeaks x Zoutons
Маълумотларга кўра, янги смартфон Gorilla Glass Victus ойнаси билан ҳимояланган 6,28 дюймли юқори аниқликдаги дисплей олади. Ундаги ранглар чуқурлиги 10 битни ташкил қилади.
Смартфон Snapdragon 8 Gen 1 процессори ва тезкор қувватланиш учун литий-кобалт оксидидан ишланган аккумулятор билан жиҳозланган.
Гаджетнинг тақдимоти 28 декабрга белгиланган. У 2022 йилнинг 1-чорагида сотувга чиқарилади.
