Lufthansa омикрон штамми сабабли 33 мингта рейсни бекор қилади

Германиянинг Lufthansa авиакомпанияси бош директори Карстен Шпор Frankfurter Allgemeine Zeitung нашрига берган интервьюсида Европа ва АҚШда коронавируснинг омикрон штамми тарқалаётгани сабабли жорий қишда 33 мингтага яқин рейсни бекор қилишга тўғри келишини айтди.

“Январ ўртасидан февралгача чипталар бронланишига талаб кескин камайганини кўрмоқдамиз. Шу сабабли қишки рейслар жадвалида 33 мингта ёки жами рейсларнинг 10 фоизга яқинини қисқартиришимиз керак”, деб айтган Шпор.

Компания раҳбари Lufthansa талаб пастлиги сабабли аслида кўпроқ рейсни бекор қилиши кераклигини, бироқ аэропортлардаги слотларга лицензияни йўқотмаслик учун 18 мингта “кераксиз рейс”ни бажаришга мажбурлигини таъкидлаб ўтган.