Путин Россияни парчалашнинг ягона йўлини айтди
Путиннинг сўзларига кўра, “Россияни енгиб бўлмайди, уни фақатгина ичидан парчалаш мумкин”.
Россияни енгиб бўлмайди, уни фақатгина ичидан парчалаш мумкин, деди Россия президенти Владимир Путин йиллик матбуот анжуманида.
Би-би-си рус хизмати мухбири Пётр Козлов Путинга ташкилот ва ОАВларни хорижий агент деб эътироф этиш ҳолатлари сони кескин ўсиши нима билан боғлиқлиги ва у ўз ҳаракатлари билан бўлажак уруш ва инқилоблар учун замин яратаётганидан хавфсирамаётгани тўғрисида савол берди.
«Тарих ҳақида гапирадиган бўлсак, рақибларимиз асрлар давомида айтиб келган сўзларни эслатиб ўтмоқчиман. Россияни енгиб бўлмайди, уни фақатгина ичидан парчалаш мумкин. Бу Биринчи жаҳон уруши даврида – аниқроғи, унинг натижасида ва 90-йилларда, совет иттифоқини парчалашганида муваффақиятли амалга оширилган», — деди Путин.
23 декабр куни Владимир Путин ўзининг 17-матбуот анжуманини ўтказди. Бу йилги матбуот анжуманида қатнашиш учун 500дан ортиқ журналист рўйхатдан ўтган.
Ўтган йилги матбуот анжумани 4 соат 29 дақиқа давом этган.
Мавзуга оид
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024
Россияда ўзбек диаспораси етакчиси ноқонуний миграцияни ташкил этишда гумон қилинмоқда
09:00 / 04.10.2024
«Газпром» Россияда энг зарар кўрган компаниялар рўйхатини бошқаряпти
23:19 / 03.10.2024