Қўшимча функционаллар
-
Тунги кўриниш
Қамоқдан чиққанларни қўллаб-қувватлаш бўйича ижтимоий-моддий ёрдам пакети жорий қилинади
Маҳкумлар ва жазони ўтаб бўлган шахсларнинг меҳнат, ижтимоий таъминот ҳуқуқларини таъминлаш, ижтимоий мослашуви ва жамиятга реинтеграциясига кўмаклашиш самарали механизмларини жорий этиш, бунда давлат ва жамият институтлари биргаликдаги фаолиятини йўлга қўйиш режалаштирилган.
2022–2026 йилларга мўлжалланган тараққиёт стратегиясини 2022 йилда амалга ошириш бўйича “Йўл харитаси” лойиҳасига кўра, озодликдан маҳрум этилган шахсларга жазони ўташ шароитлари халқаро стандартларга мувофиқ такомиллаштирилади.
Меҳнатга жалб этилган маҳкумларга колониялардаги иш стажини умумий меҳнат стажига қўшиб ҳисоблаш тартиби жорий этилади.
Озодликдан маҳрум этиш тарзидаги жазони ўтаб бўлган фуқароларни қўллаб-қувватлаш бўйича “дастлабки ижтимоий-моддий ёрдам пакети”ни жорий қилиш орқали уларнинг ижтимоий мослашуви механизмлари такомиллаштирилади.
Маҳкумларнинг тузалиш йўлига ўтганлигини белгиловчи қатъий мезонлар ҳам белгилаб қўйилади.
Бундан ташқари, ҳаракатланиш эркинлиги чекланган шахсларни ҳисобга олиш бўйича ягона электрон реестрни юритишнинг электрон дастури такомиллаштирилади.
Ушланган шахсларни ягона реестрга киритилмаган ҳолда ушлаб туришни ноқонуний деб топиш тартиби жорий этилади. Қидирувдаги шахсларни ноқонуний ушлаб туришнинг олдини олиш бўйича ҳуқуқий механизмлар такомиллаштирилади.
Мавзуга оид
10:18 / 19.03.2026
Ўзбекистонда 392 нафар шахс афв этилди
19:23 / 28.02.2026
Комил Алламжоновга суиқасд ижрочиларидан бири қамоқхонада вафот этди. У жонига қасд қилгани айтиляпти
19:08 / 19.12.2025
Россияда уч нафар ўзбекистонлик маҳкум теракт уюштиришга тайёргарлик кўрганликда айбланди
13:53 / 17.12.2025