Наманганда Nexia пастликка тушиб кетди

Фото: ИИВ ЙҲХББ Ахборот хизмати

Чортоқ туманида "Nexia" автомобили пастликка тушиб кетган. Бу ҳақда Йўл ҳаракати хавфсизлиги хизмати хабар бермоқда.

Қайд этилишича, 21 январь куни соат 18:00 ларда, Наманган вилояти, Чортоқ тумани ҳудудидан ўтувчи 4P-117B автомобиль йўлининг 1-километрида ҳайдовчи, 1983 йилда туғилган С.Т. Nexia русумли автомобилини бошқараётиб, ҳаракат хавфсизлигини таъминлай олмай, эҳтиётсизлиги оқибатида пастликка тушиб кетган.

Ҳодиса натижасида тан жароҳати олган фуқаролар йўқ.

Мазкур ЙТҲ юзасидан Наманган вилояти ИИБ ЙҲХБ ходимлари томонидан суриштирув ҳаракатлари олиб борилмоқда.