Қарздорлик муддатини бузганлик учун маъмурий жавобгарлик бекор қилинади

Адлия вазирлиги томонидан “Маъмурий жавобгарлик тўғрисидаги кодексига ўзгартишлар киритиш тўғрисида” қонун лойиҳаси ишлаб чиқилди.

Лойиҳада қуйидаги ўзгартиришлар назарда тутилмоқда:

• дебиторлик ва кредиторлик қарзи муддатларини ўтказиб юборганлик;
• корхоналарнинг ҳисобварақларида тегишли маблағлар бўлган ҳолда тўловларни амалга оширишнинг белгиланган муддатларини бузганлик;
• шартнома мажбуриятларини бажармаслик ёки лозим даражада бажармаслик оқибатида хўжалик юритувчи субъектларга мулкий зарар етказганлик учун маъмурий жавобгарликлар бекор қилинмоқда.

Ҳозирда шартнома тарафлари ўз мажбуриятларини бажармаганлик учун Маъмурий жавобгарлик тўғрисидаги кодексида маъмурий жавобгарлик ҳам белгиланган.

Бу шартнома тарафларига мажбуриятни бажармаганлик учун иккита таъсир чораси қўлланилишига, яъни ҳам маъмурий, ҳам мулкий жавобгарликка тортилишига олиб келмоқда.

Лойиҳа Қонунчилик палатасига кўриб чиқиш учун киритилди, дейилади Адлия вазирлиги хабарида.