Чилонзорда дам олиш куни ходимларини ҳашар қилишга мажбурлаган раҳбар жавобгарликка тортилди

Фото: Ижтимоий тармоқлар

Чилонзор тумани Аҳоли бандлигига кўмаклашиш маркази ходимлари дам олиш кунига қарамасдан мажбурий ишга чақиртирилиб, ҳашар қилдирилган. Бу ҳақда Меҳнат вазирлиги хабар бермоқда.

Қайд этилишича, ҳолат Тошкент шаҳар Давлат меҳнат инспекцияси томонидан ўрганилган. Ўрганиш жараёнида марказ ходимлари дам олиш куни ишга жалб этилгани, бироқ уларга икки ҳисса маош тўланиши ёки отгул берилиши тўғрисида ҳеч қандай буйруқ расмийлаштирилмаганлиги аниқланган.

Мазкур ҳолатда Меҳнат кодексининг 157-моддаси талаблари бузилган, шу сабабли марказ директори Ўзбекистон Республикаси Маъмурий жавобгарлик тўғрисидаги кодекснинг 49-моддаси 1-қисми билан маъмурий жавобгарликка тортилган.