Фото: Президент матбуот хизмати
Президент Шавкат Мирзиёев Қорақалпоғистонга ташрифи доирасида Орол денгизининг қуриган тубида 1,5 млн гектар майдонда саксовулзорлар барпо этиш лойиҳаси билан танишди. Бу ҳақда Kun.uz мухбири хабар бермоқда.
Ўзбекистон президенти Оролқумни кўздан кечиргандан кейин Тахтакўпир туманига борган. У ерда тахтакўпирлик аҳоли фаоллари билан очиқ мулоқот ўтказилган. Президент айни дамда Шуманай туманида бўлиб турибди.
Қўшимча қилинишича, Шавкат Мирзиёев Экотекс ип йигириш корхонасида қишлоқ хўжалиги ва ишлаб чиқаришга оид янги тақдимотлар билан танишмоқда.
