Toyota Япониядаги барча заводлари ишини вақтинча тўхтатади

Бунга етказиб берувчилардан бирининг компьютер тизимидаги муаммолар сабаб бўлган.

Фото: Brandon Bell/Getty Images

Япониянинг Toyota Motor Corp. компанияси 1 мартдан бошлаб мамлакатдаги 14та заводининг барчаси фаолиятини вақтинча тўхтатади.

Хабар қилинишича, бунга етказиб берувчилардан бирининг компьютер тизимидаги муаммолар сабаб бўлган.

Компания вакилининг сўзларига кўра, корхоналар иши қанча вақтга тўхталиши ҳозирча номаълум. Toyota етказиб берувчининг номи ва муаммо ҳақида батафсил маълумот бермаган.

Япониядаги заводларнинг йиллик ишлаб чиқариш ҳажмининг учдан бири Toyota компанияси ҳиссасига тўғри келади.