Худди кинолардагидай: Қашқадарёда Spark билан тўқнашиб ағдарилган Epica ҳайдовчиси қочиб кетди

Epica ҳайдовчиси катта тезликда ҳаракатланган ва бошқарувни йўқотган. Оқибатда у Spark билан тўқнашиб, йўл четига ағдарилиб кетган.

Фото: ИИБ ахборот хизмати

Вилоят ИИБ ахборот хизматининг хабар беришича, 2022 йил 8 март куни соат 23:30 ларда Яккабоғ тумани Амир Темур кўчасида Spark ва Epica машиналари иштирокида йўл-транспорт ҳодисаси содир бўлган.

Аниқланишича, фуқаро Ф.М.га тегишли бўлган Epica машинасини ҳозирда шахси номаълум бўлган ҳайдовчи бошқариб кетаётиб, тезликни ошириб, бошқарувни йўқотган. Оқибатда, Epica йўл четида турган Қ.У.га тегишли Spark машинасига бориб урилган ва йўл четига ағдарилган.

Шундан сўнг Epica машинаси ҳайдовчиси ЙТҲ содир бўлган жойдан қочиб кетган.

Қайд этилишича, ҳозирда ҳолат юзасидан Яккабоғ туман ИИБ ЙҲХБ ходимлари томонидан суриштирув ҳаракатлари олиб борилмоқда.