Ёғингарчилик Тошкент вилоятининг Пискент ва Юқори Чирчиқ туманларидаги кўприкларга катта зарар етказди

Оҳангарон дарёсидаги сув одатдагидан кўпроқ ҳажмда оқаётганлиги сабабли, кўприкка ўз таъсирини кўрсатиб, қирғоқнинг ювилишига олиб келган.

Фото: Тошкент вилояти ҳокимлиги

Тошкент вилояти ҳокимияти ахборот хизматининг маълум қилишича, Юқори Чирчиқ туманидаги Қизилсой маҳалла фуқаролари йиғини ҳудуди ҳамда Пискент тумани ҳудудидан ўтувчи А-373 “Ўш – Гулистон” автомобиль йўлининг 107-километридаги кўприклар ўз мустаҳкамлигини йўқотган.

“Ҳозирда автомобил ҳаракатлари тўхтатилиб, хавфни бартараф этиш мақсадида ФВБ, ЙҲХБ, “Йўллардан фойдаланиш” УК, туман ҳокимликлари ва бошқа тегишли ташкилотлар ҳамкорлигида таъмирлаш тиклаш ишлари амалга оширилмоқда.” - дейилади хабарда.