Швеция олий суди судяси дўконда ўғирлик қилгани учун жаримага тортилди

Швецияда олий суд судяси супермаркетда ўғирлик қилгани учун жаримага тортилди. Бу ҳақда мамлакат бош прокурори Пер Николс маълум қилди.

Фото: Picture Alliance

Унинг сўзларига кўра, 67 ёшли судя аёл рождество байрами арафасида Стокҳолмдаги супермаркет ходимлари томонидан ушланган.

Dagens Juridik нашрининг ёзишича, у ветчина, фрикаделка, сосиска ва пишлоқларни халтага солиб олиб чиқиб кетаётган бўлган. Судянинг ўзи ўғирлик қилишга уринганини рад этган.

Судя 50 минг швед кронаси (4800 евро) миқдорида жаримага тортилган. У феврал ойида истеъфога чиққан. Хабар қилинишича, аёл 20 йилга яқин вақт судялик қилган.