“Дадамнинг соғайишини хоҳлайман” — 10 йилдан бери бемор отаси учун дуо қилаётган фарзандлар

10 йил кимгадир оз, кимгадир кўп муддат. Аммо шу муддат давомида фақат оғриқ, азоб, хавотир ва қўрқув исканжасида яшаган инсон учун қанчалик оғирлигини ҳис қилиш қийин эмас. Сурхондарёлик Фахриддин Шониёзов 10 йилдан буён хасталик билан олишмоқда. Унга жигар циррози ташхиси қўйилган.  

Беморнинг отаси Неъматилло Шониёзов учун айни суянч бўладиган фарзандини бу ҳолатда кўриш мушкул:

“Ўғлим 2012 йилдан бери шу касалликдан даволаниб келади. Кўрсатмаган жойимиз қолмади. Ҳар икки ойда касалхонага ётқизамиз. Шифокорлар сўнгги чора фақатгина жигар кўчириш операцияси эканини айтишди. Лекин бу операция хорижда ўтказилгани учун катта маблағ кетар экан. Биз эса бунинг иложини қила олмаяпмиз”.

Оила боқувчиси бўлган бемор тўшакка михлангани сабабли рўзғор юкини тортишнинг ўзи бўлмаяпти. Биргина нафақа эвазига оиладаги 7 жонни боқиш, дори-дармонлар олиш, даволаниш харажатларини кўтариш қийин.

Фахриддин уч фарзанднинг отаси, болалари ҳали ёш. Уларнинг жавдираган кўзларида бемор оталарининг соғайиб кетишига умид бор.

“Дадам кўп йиллардан бери касал. Ҳиндистонга олиб бориб операция қилинса тузалиб кетар экан. Дадамнинг соғайишини жудаям хоҳлайман”, — дея мўлтиллайди тўнғич қизи.

Фахриддин Шониёзовга оид карталар:

Uzcard: 8600 0417 6030 2506

Humo: 4073 4200 7589 8563