Нукусда пиёдалар йўлакчасида Damas уриб юборган фуқаро вафот этди

5 апрел куни соат 17:00лар атрофида Нукус шаҳар ҳудудидан ўтувчи «Нукус-Чимбой-Тахтакўпир» автомобил йўлининг 2-3 км оралиғида Damas пиёдалар ўтиш йўлидан ҳаракатланаётган пиёда Ж.А.ни уриб юбориб, ЙТҲ содир этган.

Қорақалпоғистон Республикаси ИИВ Йўл ҳаракати хавфсизлиги бошқармасининг хабар беришича, ЙТҲ оқибатида пиёда олган тан жароҳатлари туфайли Нукус шаҳар шифохонасида вафот этган.

Ҳозирда мазкур ҳолат юзасидан Нукус шаҳар ИИО ФМБ ҳузуридаги тергов бўлими томонидан дастлабки суриштирув ишлари олиб борилмоқда.

Бундан олдин Тўрткўлда Камаз ва мотоцикл тўқнашиши оқибатида бир киши вафот этганди.