Апрелда товарлар ва хизматлар ўртача 1,5 фоизга қимматлашди

Охирги бир йилдаги расмий инфляция 10,4 фоизга етган.

2022 йил апрел ойида истеъмол секторидаги товарлар ва хизматлар ўртача 1,5 фоизга қимматлашди. Бу ҳақда Давлат статистика қўмитаси маълумот берди.

Қайд этилишича, йиллик ўсишда истеъмол нархлари индексининг ўсиш даражаси 10,4 фоизга етган.

2022 йилнинг апрель ойида нархлар ва тарифлар ўсишида етакчи ўринларни озиқ-овқат маҳсулотлари эгаллаб, ой давомида уларнинг нархлари ўртача 2,1 фоизга ошган.

Шу даврда ноозиқ-овқат товарлари 1,4 фоизга ва аҳолига пулли хизматлар 0,5 фоизга ошган.