Осмонўпар бинонинг 7-қаватида таъмирлаш ишлари вақтида 4 метр квадрат майдондаги қурилиш материалига ўт кетган, дея маълум қилди ФВВ. Ҳеч ким жабрланмаган.
Фото: Фавқулодда вазиятлар вазирлиги
Бугун, 5 май куни Tashkent City ҳудудида қурилаётган Nest One мажмуасида ёнғин келиб чиқди.
Фавқулодда вазиятлар вазирлигининг хабар беришича, ҳодиса ҳақида хабар келиб тушганидан сўнг 3 та ёнғин-қутқарув экипажи воқеа жойига соат 17:27 да етиб бориб, соат 17:38 да ёнғин ўчирилган.
Ёнғинга бинонинг “D” блок 7-қаватида олиб борилаётган таъмирлаш ишлари вақтида 4 кв/м майдонда қурилиш материалига ўт кетгани сабаб бўлган.
Ҳодиса туфайли тан жароҳати олиш ва ҳалок бўлиш ҳолатлари кузатилмаган.
Маълумот учун, Nest One'да 2021 йил март ойида ҳам ёнғин келиб чиққан, ўшанда 2 кв.м майдонда пенопласт ёнгани айтилганди.
2020 йил декабрда эса Tashkent City'нинг 6-лотида қурилаётган уйлардан бирининг ертўласида ёнғин чиққанди.
