Қўшимча функционаллар
-
Тунги кўриниш
Қарши халқаро аэропортида кенг кўламли таъмирлаш ишлари бошланди
Қарши халқаро аэропортида кенг кўламли қурилиш-таъмирлаш ишлари амалга оширилмоқда. Бу ҳақда Транспорт вазирлиги ахборот хизмати хабар берди.
Қайд этилишича, айни дамда Қарши аэропортининг аэровокзал комплексида реконструкция ишлари олиб борилмоқда.
Дастлабки босқичда ташриф буюрувчилар учун мўлжалланган зал кенгайтирилиб, аэровокзалнинг йўловчилар ўтказувчанлик қобилиятини соатига 200 йўловчидан 400 нафар йўловчига ошириш режалаштирилган.
Шунингдек, аэровокзалнинг иккинчи қавати жўнаб кетувчи йўловчилар учун мўлжаллаб қайта реконструкция қилинади.
Бунинг натижасида комплексдаги йўловчиларни рўйхатдан ўтказиш устунлари сони ҳозирги 3 дан 10 тага оширилади.
Шу билан бирга, замонавий багаж тақсимловчи ленталар, электрон тарозилар ва йўловчилар учун қулайликлар яратишга мўлжалланган бошқа мосламалар ўрнатилади.
