“Афросиёб” тезюрар поезди бортдаги носозлик сабабли Жиззах вилояти ҳудудида қарийб бир соат тўхтаб қолган.
Фото: Wikipedia
“Ўзбекистон темир йўллар” АЖ ахборот-таҳлилий медиа марказининг хабар беришича, бугун, 2022 йил 30 май куни, соат 17:40 да Самарқанд—Тошкент йўналишида ҳаракатланаётган “Афросиёб” тезюрар поезди Жиззах—Зарбдор перегонида тўхтаб қолган.
Қайд этилишича, ушбу ҳолатга борт тизимидаги носозлик сабаб бўлган. Соат 18:30 да камчиликлар бартараф этилгач, йўловчи поезди ўз ҳаракатини давом эттирган.
«Йўловчилардан узр сўраб, тўғри тушунишларини сўраб қоламиз», дейилади хабарда.
Аввалроқ, турли носозликлар туфайли бир неча бор Тошкент метросида поездлар тўхтаб қолганди.
