Ҳафта давомида ҳаво ҳарорати яна кўтарилади

Бугун мамлакат ҳудудининг катта қисмида ёғингарчилик кутилмайди, фақат Тошкент вилоятида ва Фарғона водийси вилоятларида баъзи жойларда қисқа муддатли ёмғир ёғади, момақалдироқ бўлиши мумкин.

Фото: Kun.uz

“Ўзгидромет” хабарига кўра, кундузи термометр устуни 30-35 даража иссиқдан юқорига кўтарилмайди, бу ўртача кўп йиллик қийматлардан бироз пастдир. Республика бўйича баъзи жойларда шамол 15-20 м/с гача кучайиши, айрим жойларда чанг-тўзонлари кузатилиши мумкин.

Ҳафта давомида Ўзбекистон бўйича асосан қуруқ ва кам булутли об-ҳаво бўлади, фақат айрим тоғли ҳудудларда ёмғир ёғиши эҳтимоли бор, шунингдек дўл ёғиши мумкин. Ҳаво ҳарорати кечалари 16-21 даража илиқ, кундуз кунлари 34-39 даража иссиқ атрофида, жанубий ва чўл ҳудудларида 40-42 даража иссиққача бўлади.

13 ва 14 июнь кунлари республиканинг тоғолди ва тоғли ҳудудларида сел-сув тошқин ҳодисалари юзага келиши мумкин.