Россия май ойида Хитойга рекорд миқдорда нефт сотди

Россия 19 ойлик танаффусдан сўнг Саудия Арабистонини Хитойга нефт етказиб бериш бўйича биринчи ўриндан тушириб юборди.

Фото: Reuters

Россия май ойида Хитойга рекорд миқдорда нефт сотди ва бу мамлакатга нефт етказиб берувчи энг йирик экспортёрга айланди.

Маълумотларга кўра, ўтган ойда Хитой Россиядан қарийб 8,42 млн тонна хом нефт сотиб олган.

Бу эса, Россия май ойида Хитойга кунига 2 млн баррелга яқин нефт сотиб олганини англатади. Натижада Россия 19 ойлик танаффусдан сўнг Саудия Арабистонини Хитойга нефт етказиб бериш бўйича биринчи ўриндан тушириб юборди.

Қайд этилишича, Хитой компаниялари нефтни 30 фоизгача чегирма билан сотиб олмоқда.

Саудия Арабистони май ойида Хитойга 7,82 млн тонна нефт етказиб берган.

Аввалроқ Россиядан Ҳиндистонга нефт етказиб бериш 31 бараварга ошгани хабар қилинганди.