Ўзбекистон қурилган ГЭСлар сони бўйича МДҲ давлатлари орасида етакчига айланди

МДҲ мамлакатлари ичида ўтган 5 йил давомида гидроэнергетика соҳасида янги ГЭСларни фойдаланишга топшириш бўйича Ўзбекистон етакчи ўринни эгалламоқда. Бу ҳақда «Ўзбекгидроэнерго» ахборот хизмати хабар берди.

Бу борада, кўрсаткичларга қаралса, Россия Федерациясида жами 6 та, Тожикистон Республикасида 1 та, Қозоғистон Республикасида 3 та, Озарбойжон Республикасида 5 та, Беларус Республикасида 2 та янги ГЭСлар ишга туширилган.

«Ўзбекгидроэнерго» маълумотида айтилишича, Украина, Молдова, Грузия, Қирғизистонда янги ГЭСлар ишга туширилмаган.

Билдирилишича, Ўзбекистонда ўтган 5 йиллик давр мобайнида 11 та янги ГЭС қуриб фойдаланишга топширилган бўлса, 9 та ГЭС модернизация қилиниб, янги қувватларда ишга туширилди.