Ўзбекистон ташқи савдо айланмаси 6 млрд долларга ошди

Ўзбекистон Республикасининг ташқи савдо айланмаси 24,5 млрд АҚШ долларига тенг бўлди. Бу ҳақда Давлат статистика қўмитаси маълумот берди.

Қўмита ахборотига кўра, 2022 йилнинг январь-июнь ойларида Ўзбекистон Республикасининг ташқи савдо айланмаси 24,5 млрд АҚШ долларига тенг бўлди. 

Маълум қилинишича, бу ўтган йилнинг мос даври билан солиштирилганда қарийб 6 млрд АҚШ долларига ошган. 

Ташқи савдо айланмаси таркибида экспорт 9,9 млрд долларни ташкил этди. Бунда, маҳсулотлар 8,3 млрд доллар, хизматлар 1,6 млрд доллар олиб келган.

Шунингдек, импортга 14,6 млрд доллар сарфланган. Бунда, маҳсулотларга 13,5 млрд доллар кетган бўлса, хизматларга 1,1 млрд доллар сарфланган.