Фарғона водийси тоғолди ва тоғли ҳудудларида сел хавфи эълон қилинди

Жорий йилнинг 6-8 август кунлари кутилаётган ёмғирлар ёғиши сабабли, Фарғона водийсининг тоғолди ва тоғли ҳудудларида сел хавфи эълон қилинди.

Фото: Kun.uz

“Ўзгидромет” хабарига кўра:

Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;

Фарғона вилояти: Сўх, Шоҳимардон, Фарғона, Бешариқ туманларида сел-сув тошқин ҳодисалари юзага келиши мумкин.

Тоғолди ва тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралган.