Тошкентда ШҲТ давлатлари ички ишлар ва жамоат хавфсизлиги вазирларининг тўртинчи Кенгаши бошланди

18 август куни Тошкент шаҳрида Шанҳай Ҳамкорлик Ташкилотига аъзо давлатлар ички ишлар ва жамоат хавфсизлиги вазирларининг тўртинчи Кенгаши бошланди. Бу ҳақда Kun.uz мухбири хабар бермоқда.

Фото: Kun.uz

Ўзбекистон раислигида ўтаётган кенгашда ШҲТга аъзо давлатларнинг ички ишлар ва жамоат хавфсизлиги вазирлари ҳамда ШҲТнинг доимий органлари иштирок этмоқда.

Шунингдек, тадбирга INTERPOL, МДҲга аъзо давлатлар ҳудудида уюшган жиноятчилик ва бошқа хавфли жиноятларга қарши курашишни мувофиқлаштириш Бюроси, МДҲ аъзо давлатларнинг терроризмга қарши курашиш маркази вакиллари меҳмони сифатида ташриф буюрган.