Швеция соҳилида 300 нафар йўловчиси бўлган паромда ёнғин чиқди

Воқеа жойига учта вертолёт ва еттита кема жўнатилган, йўловчиларни эвакуация қилиш бошланган.

Фото: AP

Швеция соҳилида бортида 300 нафар йўловчи бўлган автомобил паромида ёнғин чиқди.

Франс Пресс агентлигининг хабар беришича, паромда қутқарув операцияси олиб борилмоқда.

Денгиз маъмурияти вакили Йонас Франценнинг сўзларига кўра, воқеа жойига учта вертолёт ва еттита кема жўнатилган, йўловчиларни эвакуация қилиш бошланган.

Stena Scandica пароми Швециянинг Готска-Сандён ороли яқинида бўлгани айтилмоқда.

Ҳодиса оқибатида жабрланганлар ва ёнғин сабаби ҳақида ҳозирча маълумот йўқ.