Фарғона вилояти қишлоқ хўжалиги маҳсулотлари экспорти бўйича республикада 1-ўринда экани маълум қилинди

Сенат ишчи гуруҳи томонидан Фарғона вилоятида инвестиция лойиҳаларини амалга ошириш ҳамда тадбиркорликни ривожлантириш борасида олиб борилаётган ишлар ўрганилди.

Сенат ишчи гуруҳи ҳисоботига кўра, ўзлаштирилаётган хорижий инвестициялар миқдори бўйича республикада 2-ўринни эгаллаб келаётган Фарғона вилояти йилига ўртача 50 фоизлик ўсиш суръатларини намойиш этиб келмоқда.

Вилоятда бугунги кунда жами рўйхатдан ўтган хорижий капитал иштирокидаги корхоналар сони 568 тани ташкил этади. Дунёнинг энг нуфузли S&P Global Rating (АҚШ) халқаро рейтинг агентлиги хулосасига асосан, вилоят мустаҳкам молиявий индикаторлари ва юқори иқтисодий салоҳияти учун B+, яъни «барқарор» даражасидаги кредит рейтинги берилган. Вилоятда жами 91 та кичик ва ёшлар саноат зоналари ташкил этилган.

Қишлоқ хўжалиги маҳсулотлари экспорти бўйича вилоят республикада 1-ўринда, саноат товарлари экспортида топ 3 таликка кирган. 

Ҳудудий инвестиция лойиҳаларини шакллантириш ҳамда амалга ошириш, импорт маҳсулотларини маҳаллийлаштириш, хизматлар соҳасини ривожлантириш, хотин-қизлар тадбиркорлигига кўмаклашиш, янги иш ўринларини яратиш масалалари тўғрисида ҳам маълумот берилди.