Украина Курил оролларини Япониянинг бир қисми сифатида тан олди

У тегишли фармонни имзолаганини айтиб ўтди. Бундан ташқари, Украина Олий радаси ҳам ўз баёноти билан чиқиш қилди. 

Президентнинг сўзларига кўра, «Украина Япониянинг суверенитети ва ҳудудий яхлитлигини, шу жумладан, ҳали ҳам Россия оккупацияси остида бўлган шимолий ҳудудларини ҳурмат қилишини яна бир бор тасдиқлайди». 

«Биз дунёдаги барчани худди шундай қарорлар қабул қилишга чақирамиз», - дея таъкидлаб ўтди Зеленский.

Бундан олдин Украина Россия президенти Владимир Путин билан ҳар қандай музокарадан расман бош тортганди. 

Мамлакат президенти Володимир Зеленский Украина Миллий хавфсизлик ва мудофаа кенгашининг 30 сентябрдаги қарорини кучга киритиш ҳақидаги фармонни имзолади.

Бу ҳужжат Россиянинг Украина ҳудудларини аннексия қилиши муносабати билан қабул қилинган.