Ўзбекистонга шакар асосан Ҳиндистондан олиб келинмоқда

2022 йилнинг январь-сентябрь ойларида Ўзбекистон 10 та хорижий давлатлардан қиймати 33,2 млн АҚШ долларига тенг бўлган 48,6 минг тонна шакар импорт қилган. 

Давлат статистика қўмитаси маълумотларига кўра, шакар импорти 2021 йилнинг мос даври билан солиштирилганда 25,3 минг тоннага ошган.

2022 йилнинг ўтган 9 ойида Ўзбекистон энг кўп шакар импорт қилган давлатлар орасида Ҳиндистон етакчилик қилмоқда – 24 минг тонна.

Кейинги ўринлардан мос равишда 11 минг тонна ҳамда 6,8 минг тонна шакар олиб келинган Покистон ва БАА жой олди.

Ушбу кўрсаткич қолган давлатлар кесимида қуйидагича кўриниш олди:

• Хитой – 3,8 минг тонна;
• Эрон – 1,9 минг тонна.