Ташқи савдо айланмаси юқори бўлган ҳудудлар маълум қилинди

2022 йилнинг январь-ноябрь ойларида ҳудудлар кесимида ташқи савдо айланмаси ҳажмида (АҚШ доллари) Тошкент шаҳри биринчи ўринни эгаллади — 17,6 млрд доллар.

Давлат статистика қўмитаси маълумотларига кўра, ундан кейинги ўринлардан ташқи савдо айланмаси мос равишда 5 млрд доллар ҳамда 3,8 млрд долларни ташкил этган Тошкент вилояти ва Андижон вилояти жой олди.

Ушбу кўрсаткич қолган ҳудудлар кесимида қуйидагича кўринишга эга бўлди:

• Самарқанд вилояти — 2,2 млрд;
• Фарғона вилояти — 1,9 млрд;
• Наманган вилояти — 1,2 млрд;
• Бухоро вилояти — 1,1 млрд;
• Навоий вилояти — 1,1 млрд;
• Хоразм вилояти — 732,8 млн;
• Сирдарё вилояти — 732 млн;
• Жиззах вилояти — 628 млн;
• Қорақалпоғистон Р. — 550,4 млн;
• Қашқадарё вилояти — 499,5 млн;
• Сурхондарё вилояти — 344 млн.