Тошкентда охирги 50 йилликдаги энг совуқ ҳарорат қайд этилди

Тошкент шаҳрида 13 январь куни -19,8 даража совуқ ҳарорат қайд этилди. Мазкур кўрсаткич пойтахтдаги охирги ярим асрлик учун энг минимум ҳароратдир.

2007-2008 йилнинг қиш ойларида Тошкентда энг паст ҳарорат кўрсаткичи -17,4 даражагача пастлаган. Ҳозирги совуқ антициклон 2008 йил қишидаги антициклондан кучли.

Республика бўйича энг паст ҳарорат Қорақалпоғистонда рўйхатга олинган бўлиб, ўтган асрнинг 70-йилларида ҳарорат -40 даражагача пасайган.

“Ўзгидромет” ахборот хизмати ушбу антициклон бироз кучсизланиб бораётгани, аммо Ўзбекистон кейинги ҳафтагача унинг таъсирида бўлиб туришини маълум қилди.