Нодирбек Абдусатторов Нидерландиядаги турнирни 2-ўринда якунлади

Нидерландиянинг Вейк-ан-Зее шаҳрида «Tata Steel Chess-2023» турнири якунига етди. 29 январ куни бўлиб ўтган турнирнинг сўнгги, 13-турида Нодирбек Абдусатторов мезбон шахматчи Йорден ван Форестга қарши баҳс юритиб, имкониятни бой берди. 

A brilliant tournament by Nodirbek Abdusattorov ends with a loss, but what a performance throughout 13 rounds! 🥹👏 pic.twitter.com/Dh8prjIQH4

— Chess.com (@chesscom) January 29, 2023

Шу тариқа, турнир давомида пешқадам бўлиб келган ўзбекистонлик шахматчи ўзини дуранг ҳам қониқтириши мумкин бўлган ҳолатда ютқазгач, мусобақани 8 очко билан 2-ўринда якунлайдиган бўлди. Сўнгги турдаги муваффақияти эвазига 8,5 очко жамғарган нидерландиялик Аниш Гири эса Masters гуруҳи ғолибига айланди.

♟| BREAKING | Anish Giri wins the 2023 Tata Steel Chess Tournament

As Anish Giri won his final game, Nodirbek Abdusattorov did not manage to hold of Van Foreest. Tournament Ambassador Anish Giri is now the 85th Tata Steel Chess Champion! #TataSteelChess pic.twitter.com/Rm4pT6Zr9m

— Tata Steel Chess (@tatasteelchess) January 29, 2023

Абдусатторов турнир давомида бирор марта мағлубиятга учрамай, 4 баҳсда ғолиб бўлган, 5-турдан буён пешқадамликни ҳеч кимга бермай келаётганди. Ўзбекистонлик шахматчи Раппорт, Парҳам, Магнус Карлсен ва Аржун Эригаисини мағлуб этиб, қолган рақиблари билан дуранг қайд этганди. 

Challengers гуруҳида эса ўзбекистонлик яна бир шахматчи Жавоҳир Синдоров сўнгги турда нидерландиялик Томас Беердсенни мағлубиятга учратиб, 8,5 очко билан 3-ўринни эгаллади.