Туркиялик эркак зилзиладан 11 кун ўтиб, вайроналар остидан қутқарилди

У 278 соат вақт вайроналар остида ётди.

Фото: Anadolu Agency

45 ёшли Ҳоқон Ёсинўғли Ҳатай вилоятида қулаган бино вайроналари остидан олиб чиқилди. Бу ҳақда Anadolu хабар берди.

У зилзила содир бўлганидан кейин 278 соат ёки 11 кундан ортиқ вайрона остида қолиб кетган эди. Қидирув-қутқарув гуруҳи вайрон бўлган уй остида тирик одам борлигини аниқлади ва вайроналарни тозалаб, уни қутқаришди.

Hatay'ın Defne ilçesinde Hakan Yasinoğlu, depremin 278. saatinde enkazdan kurtarıldı https://t.co/9LRC9I9CsM pic.twitter.com/Q6awTFP5NP
— ANADOLU AJANSI (@anadoluajansi) February 17, 2023

Жабрланувчи касалхонага ётқизилган.

6 феврал куни Туркиянинг жануби-шарқида магнитудаси етти баллдан ортиқ бўлган иккита зилзила содир бўлди. 17 феврал кунига зилзила қурбонлари сони 38 мингдан ошди.