Қўшимча функционаллар
-
Тунги кўриниш
Ўзбекистон-Қозоғистон-Хитой-Лаос-Таиланд-Малайзия транспорт йўлаги ташкил этилиши мумкин
Фото: Дунё
Ўзбекистоннинг Бангкокдаги Бош консули Фахриддин Султонов Таиландда амалий сафар билан бўлиб турган Лаос Жамоат ишлари ва транспорт вазирлиги Режалаштириш ва молия департаменти бош директори Ван Дилафан бошчилигидаги делегация билан учрашув ўтказди, деб хабар бермоқда «Дунё».
Суҳбат давомида томонлар Ўзбекистонда Жануби–Шарқий Осиё мамлакатлари билан савдо-иқтисодий ҳамкорликни кенгайтириш масалаларини муҳокама қилдилар.
Ўзбекистон вакили Хитой ва Лаос ўртасида темирйўл транспортида юк ташувлари ва «Ўзбекистон-Қозоғистон-Хитой-Лаос-Таиланд-Малайзия» транспорт коридорини ташкил этиш имкониятлари ўрганиб чиқилаётганини маълум қилди.
Лаос Жамоат ишлари ва транспорт вазирлиги департаменти бош директори Марказий Осиё давлатлари билан Лаос орқали ўтувчи транспорт коридорини ташкил этиш масаласини ўрганишга тайёрлигини билдирди.
Учрашув якунида Лаос орқали темирйўл транспортида юк ташувлари борасида талаблар ва қўшма лойиҳаларни амалга ошириш имкониятларини муҳокама қилиш мақсадида Ўзбекистоннинг тегишли вазирлик ва идоралари делегациясини ушбу мамлакатга хизмат сафарини ташкил этиш бўйича келишиб олинди.
Мавзуга оид
11:49 / 06.11.2024
Айрим шахсларга темирйўл транспорти ва автобус учун бепул чипталар берилади
23:19 / 01.10.2024
Таиландда 40 га яқин ўқувчи ва ўқитувчиларни олиб кетаётган автобус ёниб кетди. Камида 20 киши ҳалок бўлгани айтилмоқда
21:12 / 29.09.2024
Таиланд ҳукумати иқтисодиётни рағбатлантириш учун фуқароларга 300 доллардан тарқатишни бошлади
01:00 / 29.09.2024