Қамчиқ довонида ҳаракатланган юк машинаси кабинасидаги қисқа туташув ёнғинга сабаб бўлди.
Фото: Ўзбекистон ФВВ
Ўзбекистон ФВВ қутқарувчилари томонидан «Қамчиқ» довонидаги юк автомобилида содир бўлган ёнғин бартараф этилди.
«Бугун, 23 март куни соат 16:55 да «Қамчиқ» Махсус қидирув, ёнғин-қутқарув бошқармасига А-373 автомобил йўлининг Қамчиқ довонидан ўтган 255-километрда «Водий-Тошкент» йўналиши бўйича ҳаракатланган калава ип ортилган IVEKO русумли юк машинаси кабина қисмида юзага келган қисқа туташув натижасида ёнғин содир бўлгани тўғрисида маълумот келиб тушган.
Зудлик билан айтилган манзилга 2 та ёнғин-қутқарув экипажи етиб бориб ёнғин бартараф этилган», дейилади вазирлик хабарида.
Ҳодиса оқибатида тан жароҳати олган ва ҳалок бўлганлар йўқ.
