Май ойида театрларда мактаб ўқувчилари учун спектакллар бепул намойиш этилади

Мактабгача ва мактаб таълими вазирлиги ҳамда Маданият ва туризм вазирлиги томонидан жорий йилнинг май ойи барча туман (шаҳар)ларда “Театр ойлиги” деб эълон қилинди.

Фото: Маданият ва санъатни ривожлантириш жамғармаси

Бундан кўзланган мақсад - ёшларда бадиий ва эстетик маданиятни ривожлантириш ва ўқувчиларнинг санъатга бўлган қизиқишларини рўёбга чиқаришдан иборатдир.

Ойлик доирасида Маданият ва туризм вазирлиги тизимидаги 40 та театр жамоаси томонидан мактаб ўқувчилари учун турли мавзуларда спектакллар намойиш этилади. Бундан ташқари чекка ҳудудлар учун кўчма театрлар ташкил қилинади.

Унга кўра, ўқувчилар рўйхати шакллантирилган ҳолда ҳафта давомида жадвал асосида ўқувчиларга бепул театр намойишлари ташкил этилади.