Kun.uzʼга келиб тушган маълумотда ўқитувчининг калтакланиш ҳолати Чилонзор туманидаги 178-мактабда содир бўлгани айтилади. Мазкур ҳолат мактабнинг 4-синф раҳбар ўқитувчиси ва шу синфда ўқийдиган қизнинг онаси ўртасида юзага келган. Можаро 1 май куни ўқувчи қизларнинг ўзаро тортишувидан бошланган.
«Мактабда 4 нафар ўқувчи қиз ўртасида жанжал бўлган. Ўзим жанжалда қатнашмаганман, бу қизларнинг онаси ҳам эмасман. Лекин бир қизча бошқа қизларни тажовузкорлик руҳида урган ва руҳий босим ўтказган. Жанжалдан кейин биринчи куни онаси келган», – дейди шу синф ўқувчиларидан бирининг онаси.
«1 май, душанба куни болалар мактабга келиб, дарсда ўтирган бўлган. Бир она фарзандининг ортидан келиб, ўқувчиларнинг кўз ўнгида ўқитувчи билан тўполон қилиб кетган. Ўқитувчини ҳақоратлаб, сўкиб, чиқиб кетган.
Бу воқеани ўқитувчи ота-оналарга айтиб берганидан сўнг биз мактаб директорининг олдига келдик. Лекин чора кўришмади, шекилли, ўша она чоршанба куни болаларни уйига кузатаётган вақтида педагогни уриб кетган», – дейди яна бир она.
Ўзаро уришиб қолган ўқувчи қизларнинг оналаридан бири эса дарсдаги жанжалдан кейин фарзандининг аҳволи ёмон бўлиб қолганини, шу сабаб бир қанча ота-оналар директорнинг олдига киришганини айтди.
«Сешанба куни мактаб директорининг олдига кириб, «амалий ёрдам кўрсатинг» – бизга деганимизда, «ҳаммасини тинчлик билан ҳал қилинглар», – дейишдан уёғига ўтмадилар. Ҳатто, синф раҳбарига ҳам ёрдам бермай, «Манзура, бундан беш баттар бўлган», деявердилар.
Кейин мен ўзим она билан алоқага чиқдим, «синф раҳбарини аралаштирмай, шу ўқувчининг онаси қаерда деб ёзсангиз, етиб борардим. Бу болаларнинг ўртасида бўладиган нарса, ким уришмай катта бўлган?!» дедим. Кейин у она: «менинг боламни сеники доим урар экан, сеники бир маротаба калтак еса, ҳеч нарса қилмайди», – деди.
Болалар уришиб-талашиб, катта бўлишади. Аслида оналарнинг аралашишга ҳаққи йўқ. Душанба куни жанжал бўлган бўлса, сешанба куни ҳамма гаплашиб ўтирибди. Нима кераги бор? Душанба куни келиб ўқитувчини ҳақорат қилганлар, сешанба кечки вақт келиб яна ҳақорат қилганлар, чоршанба куни эса уриб кетганлар. Бу режалаштирилганми, билмайман. Синф раҳбарига нисбатан қандайдир ғаразлари бўлган-да», –
