Қайси ҳудудда қурилиш корхоналари кўпроқ фаолият юритаётгани тўғрисида маълумот берилди.
Фото: Kun.uz
2023 йилнинг 1 май ҳолатига республикада жами 36 009 та қурилиш корхоналари фаолият кўрсатиб келмоқда.
Статистика агентлигининг дастлабки маълумотларига кўра, улардан 1 666 таси жорий йилнинг январь-апрель ойларида янги ташкил этилган.
Ҳудудлар кесимида фаолият юритаётган қурилиш корхоналари сони бўйича Тошкент шаҳри етакчилик қилмоқда – 7 139 та. Ундан кейинги ўринлардан Тошкент вилояти (3 086 та) ва Фарғона вилояти (3 014 та) жой олди.
Ушбу кўрсаткич қолган ҳудудлар кесимида қуйидагича кўринишга эга:
- Қашқадарё вилояти – 2 970 та;
- Самарқанд вилояти – 2 554 та;
- Бухоро вилояти – 2 566 та;
- Сурхондарё вилояти – 2 548 та;
- Андижон вилояти – 2 378 та;
- Қорақалпоғистон Р. – 1 873 та;
- Наманган вилояти – 1 779 та;
- Хоразм вилояти – 1 736 та;
- Жиззах вилояти – 1 613 та;
- Навоий вилояти – 1 533 та;
- Сирдарё вилояти – 1 220 та.
