Россияда Ўзбекистон президенти сайлови учун 7 та овоз бериш участкаси очилади

Марказий сайлов комиссияси Россия ҳудудида Ўзбекистон фуқаролари учун муддатидан олдин президентлик сайловларида овоз беришлари мумкин бўлган еттита сайлов участкаси очишни режалаштирмоқда. Бу ҳақда пайшанба куни Россия МСК раиси Элла Памфилова маълум қилди.

Фото: Kun.uz

«Москва, Санкт-Петербург, Қозон, Новосибирск, Ростов-Дон, Екатеринбург ва Владивостокда еттита сайлов участкасини ташкил этиш режалаштирилган.

Бундан ташқари, 28 июндан 5 июлга қадар Россия Федерациясининг 49 та субъектидаги Ўзбекистон фуқаролари кўп бўладиган жойларда кўчма участкаларни ташкил этиш режалаштирилган», — деди Памфилова.

МСК раисининг қўшимча қилишича, овоз беришда хавфсизликни таъминлаш учун комиссия номидан «ФСБ» ва Ички ишлар вазирлигига хат юборилади.

Тайёрлаган Отабек Матназаров

#сайлов #Россия

Ўзбекистонда 2023 йил 9 июл куни муддатидан илгари президенти сайлови бўлиб ўтади. Янгиланган Конституцияга кўра, президент ваколат муддати ҳозирги 5 йилдан 7 йилга оширилган.