Миллий гвардия ҳарбий хизматчилари Чилонзор туманида жойлашган кўнгилочар боғ ҳудудида патруллик қилиш чоғида чекаётган эркакни пайқаб қолган.
Фото: milliygvardiya
МГ хабарига кўра, ҳарбий хизматчиларнинг чекиш учун мўлжалланмаган жамоат жойларида чекишни тақиқлаш ҳақидаги огоҳлантиришига эркак ҳеч қандай муносабат билдирмаган. Шу билан бирга, тутун ҳиди ўзига хос бўлган.
Миллий гвардия ҳарбий хизматчилари холислар иштирокида тинтув ўтказиш чоғида эркакдан кичик қоғоз ўрамини топиб, унинг ичида ўзига хос ҳидга эга яшил рангли кукунли модда борлигини аниқлаган.
Эркак қўлга олинган ва энг яқин ички ишлар бўлимига олиб келиниб, шахси аниқланганда 39 ёшли Я.A. экани маълум бўлган.
Ҳозирда ички ишлар органлари томонидан терговга қадар текширув ўтказилмоқда.
