Тошкент бозорларида арзонлаштирилган қишлоқ хўжалиги маҳсулотлари ярмаркалари иш бошлади

Маҳсулотлар нархи пасайишига бозорларда фермер ва деҳқонларга савдо нуқталари бепул берилиши асосий сабаблардан бири сифатида кўрсатилмоқда.

Фото: Kun.uz

Пойтахт бозорларида арзонлаштирилган қишлоқ хўжалиги маҳсулотлари ярмаркалари ўз ишини бошлади.

“Янги Ўзбекистон” нашри хабарига кўра, Мустақиллик байрами арафасида йўлга қўйилган савдолар эрталаб 8:00 дан бошланади ва 12 соат давом этади.

Ярмаркаларда мол гўштини 60 000, қўй гўштини 65 000, бир дона тухумни 1 200, картошкани 3 000-3 500, пиёзни 2500, гуручни 11 000-18 000, шакарни 12 000-13 000, 0,8 литрлик пахта ёғини 12 000 сўмга харид қилиш имкони бор.

Маҳсулотларга нархларнинг пасайишига мутасаддилар бозорларда фермер ва деҳқонларга савдо нуқталарини бепул бериши асосий сабаблардан бири сифатида кўрсатилмоқда.