Ўзбекистон ва АҚШ янги қўшма лойиҳаларни амалга ошириш бўйича келишувга эришди

АҚШдаги музокаралар чоғида янги қўшма лойиҳаларни амалга ошириш бўйича келишувларга эришилди.

4-5 сентябр кунлари амалий ташриф билан АҚШда бўлиб турган инвестициялар, саноат ва савдо вазири Лазиз Қудратов ушбу мамлакатнинг Air Products, Exxon Mobil, Abbott, HP, Valmont Industries, General Electric, Caterpillar, US Inc, John Deere ва бошқа йирик компаниялари раҳбарияти билан учрашувлар ўтказди.

Фото: Инвестициялар ва ташқи савдо вазирлиги матбуот хизмати

Инвестициялар, саноат ва савдо вазирлиги маълумотига кўра, музокаралар давомида Ўзбекистонда энергетика, соғлиқни сақлаш, сув хўжалиги, электроника, тоғ-кон саноати ва қишлоқ хўжалиги учун йирик техникалар ишлаб чиқариш, геологик-қидирув ишларини олиб бориш ва бошқа соҳаларда қўшма лойиҳаларни амалга ошириш бўйича келишувларга эришилди.

АҚШга амалий ташриф давом этмоқда.